இந்திய ஜனநாயக திருவிழா 2024

இந்தியாவின் ஜனநாயக திருவிழா, 18-வது பாராளுமன்ற தேர்தல் மார்ச் 20-ஆம் தேதி தொடங்கி ஜூன் 4-ஆம் தேதி இனிதே முடிவடைந்தது. இந்த திருவிழா மொத்தமாக 7 கட்டங்களாக 75 நாட்களுக்கு நடைபெற்றது. தேர்தல் தேதியை தலைமை தேர்தல் அதிகாரி திரு. ராஜிவ் குமார் அவர்கள் மார்ச் 16 ஆம் தேதி  அறிவித்தார்.

ஏழு கட்டங்களாக தேர்தல் நடைபெற்ற தேதி மற்றும் இடங்கள் பின் வருமாறு:

தேசிய அளவில் பாஜக தலைமையில் தேசிய ஜனநாயக கூட்டணியும், காங்கிரஸ் கட்சியின் தலைமையில் இந்தியா கூட்டணியும் போட்டியிட்டன. இந்தியா கூட்டணியில் பல குளறுபடிகள் இருந்தன. சில இடங்களில் காங்கிரஸ் கட்சியும், கம்யூனிஸ்ட் கட்சியும் எதிரும் புதிருமாக போட்டியிட்டன. உதாரணத்திற்கு கேரளா மாநிலத்தை சொல்லலாம். தமிழ் நாட்டில் இந்த இரண்டு கட்சிகளும் ஒரே அணியில் போட்டியிட்டன. 

தமிழ் நாட்டில் நான்கு முனை போட்டியிருந்தது. திமுக கட்சி தலைமையில் ஒரு கூட்டணி, அதிமுக கட்சி தலைமையில் ஒரு கூட்டணி, பாஜக தலைமையில் ஒரு கூட்டணி மற்றும் நாம் தமிழர் கட்சி தனித்து போட்டியிட்டது.

முதல் கட்டத்தேர்தல் ஏப்ரல் 19 ஆம் தேதி நடைபெற்றது. தமிழ் நாடு மற்றும் புதுச்சேரிக்கு முதல் கட்டத்திலேயே தேர்தல் முடிவடைந்தது. தமிழ் நாட்டில் 69.72 சதவீதம் ஓட்டுகள் பதிவாகியுள்ளது என்று தேர்தல் ஆணையம் அறிவித்தது. ஆனால் இம்முறை பதிவான ஓட்டுகளை அறிவிப்பதில் தேர்தல் ஆணையத்திற்கு பல முறை தடுமாற்றங்கள் ஏற்பட்டன. முதலில் 68 சதவீதம் என்றும், அப்புறம் 72 சதவீதம் என்றும், மறுநாள் காலையில் 69.72 சதவீதம் என்றும் அறிவித்தது. இது மக்களிடையே தேர்தல் ஆணையத்தின் மீது இருந்த  நம்பகத்தன்மையை கேள்விக்குறி ஆக்கியது. ஏனென்றால் மின்னணுவியல் ஓட்டு எந்திரத்தில் எப்படி இவ்வளவு வித்தியாசம் வரும் என்று கேள்வி எழுப்பினார்கள். இதற்கும் காரணம் உள்ளது. இம்முறை தேர்தல் ஆணையத்தின் செயல்பாடு, பாரதிய ஜனதா கட்சியின் தேர்தல் நடத்தும் பாசறையாக செயல்பட்டது குறிப்பிடத்தக்கது. 

குறிப்பாக தமிழ் நாட்டில் இருக்கும் கட்சிகளுக்கு சின்னம் ஒதுக்கும் செயல்பாட்டில் முறை தவறி நடந்து கொண்டது. நாம் தமிழர் கட்சிக்கு "கரும்பு விவசாயி" சின்னத்தை ஒதுக்காமல் தேர்தல் நடைபெறும் தேதிக்கு 10 நாட்களுக்கு முன்னர் புதிதாக ஒலிவாங்கி (மைக்) சின்னத்தை ஒதுக்கியது. ஏன் என்று கேட்டால் நாம் தமிழர் கட்சி உரிய நேரத்தில் சின்னம் கேட்டு விண்ணப்பிக்கவில்லை என்று கூறி தட்டிக்கழித்து விட்டது. மேலும் அச்சின்னத்தை வேண்டும் என்றே "பாரதிய பிரஜா ஐக்கிய கட்சி" என்ற பேர் கூட தெரியாத கட்சிக்கு ஒதுக்கியது. இதற்கு முன்னர் இந்த கட்சி தமிழ் நாட்டில் தேர்தலில் போட்டி போட்டதே இல்லை. மக்களுக்கும் இக்கட்சியை பற்றி ஒன்றும் தெரியாது. தேர்தல் ஆணையத்திடம் கேட்கும் போது அந்த கட்சிதான் முன்னாடியே இச்சின்னம் வேண்டும் என்று விண்ணப்பித்தார்கள். அதனால் அவர்களுக்கு கொடுத்து விட்டோம் என்று பொய் சொன்னார்கள். இதை எதிர்த்து நாம் தமிழர் கட்சி உச்சநீதிமன்றம் வரை சென்றும் அவர்களுக்கு நீதி கிடைக்க வில்லை. பாரதிய பிரஜா ஐக்கிய கட்சி தமிழ் நாட்டில் நான்கு இடத்தில் மட்டுமே போட்டியிட்டது. ஏனென்றால் அக்கட்சியின் சார்பில் போட்டியிட யாரும் முன்வரவில்லை. இது அனைத்தும் பாஜக வின் திருவிளையாடல்கள். இது மட்டுமா தேர்தல் ஆணையம் செய்தது? அந்த கட்சி போட்டியிடாத இடங்களில் எல்லாம் சுயேச்சை வேட்பாளர்களுக்கு கரும்பு விவசாயி சின்னத்தை ஒதுக்கியது. இது எவ்வளவு அயோக்கியத்தனம்? நீதிமன்றம் வேடிக்கை பார்த்து கொண்டிருந்தது வேதனையின் உச்சம். 

இது மட்டுமா? பாஜக கட்சி கூட்டணியில் இருந்தவர்களுக்கு அவர்கள் கேட்ட சின்னம் உடனே கிடைத்தது. குறிப்பாக பாட்டாளி மக்கள் கட்சிக்கு மாம்பழம் சின்னம், தினகரன் கட்சி, அம்மா மக்கள் முன்னேற்ற கழகத்திற்கு "குக்கர்" சின்னம், வாசன் கட்சி, தமிழ் மாநில காங்கிரஸ் கட்சிக்கு சைக்கிள் சின்னம் இப்படி அங்கீகாரம் இல்லாத கட்சிகளுக்கு அவர்கள் கேட்ட சின்னத்தை கொடுத்தார்கள். இதுதான் இந்தியாவின் ஜனநாயகம்.......😀😀😀 

தேர்தல் பரப்புரையில் பா ஜ க வின் பிரசாரம் மிகவும் மோசமானதாகவும், வெறுப்பு உணர்வை தூண்டுவதாகவும் இருந்தது. முக்கியமாக பிரதமர் மோடி அவர்களும், உள்துறை அமைச்சர் திரு. அமித்ஷா அவர்களும் இந்து மக்களிடையே பேசும் போது காங்கிரஸ் கட்சி ஆட்சிக்கு வந்தால் உங்களது தாலி தங்கத்தை புடுங்கி இஸ்லாமிய மக்களுக்கு கொடுத்து விடுவார்கள் என்றும், உங்களிடம் உள்ள கால்நடைகளில் பாதியை எடுத்து அவர்களுக்கு தந்து விடுவார்கள் என்றும் பேசினார்கள். 

இது மட்டுமா? ஒடிஷாவில் பாராளுமன்ற தேர்தலுடன் சட்டமன்றத்திற்கும் தேர்தல் நடைபெற்றது. திரு. நவீன் பட்நாயக் கட்சியில் தமிழகத்தை சேர்ந்த திரு. பாண்டியன் IAS அவர்கள் தனது பதவியை ராஜினாமா செய்துவிட்டு அக்கட்சியில் சேர்ந்திருந்தார். அவர் நவீன் பட்நாயக் அவர்களுக்கு எல்லாமும் ஆக இருந்தார். இதை பொறுக்காத பிரதமரும், உள்துறை அமைச்சரும் ஒடிஸாவை ஒரு தமிழர் ஆளலாமா? உங்கள் ஓட்டு தமிழருக்கா இல்லை ஓடியாவை சேர்ந்தவருக்கா? என்று மாநில கட்சி போல முகம் சுளிக்கும் அளவுக்கு பேசினார்கள். மேலும் பூரி ஜெகன் நாதர் கோயிலில் உள்ள பொக்கிஷ அறையின் சாவியை தமிழர்கள் திருடி விட்டார்கள் என்று எதை எதையோ சொன்னார்கள். அப்பப்பா ....இவர்கள் தான் தேசியத்தை தூக்கி பிடிப்பவர்கள்....😃😃😃

ஜூன் 1 ஆம் தேதி அனைத்து கட்டங்களின் தேர்தல் முடிந்து ஜூன் 4 ஆம் தேதி தேர்தல் முடிவு அறிவிக்கப்பட்டது. அதற்கு முன்பு ஜூன் 1 ஆம் தேதி மாலையில் கருத்து கணிப்பு என்ற பெயரில் இந்தியாவில் உள்ள அனைத்து ஊடகங்களும் பாஜக 350 முதல் 410 இடங்களில் வெற்றி பெரும் என்றும் தமிழ் நாட்டில் 3 முதல் 5 இடங்களில் வெற்றி பெரும் என்றும் கணித்தார்கள். ஆனால் ஜூன் 4 ஆம் தேதி வந்த முடிவுகளில்படி அனைத்து ஊடகங்களும் மோடி ஊடகங்களாக இருக்கிறது என்பது புரிந்தது.

பாஜக கூட்டணி மொத்தமாக 293 இடங்களிலும், பாஜக மட்டும் தனித்து 240 இடங்களில் வெற்றி பெற்றது. இந்திய மக்கள் செய்த ஒரே நல்ல காரியம், பாஜக வுக்கு முழு பெரும்பான்மை கொடுக்காதது தான். இல்லையென்றால் திரு மோடி அரசின் சர்வாதிகார போக்கை மக்கள் சந்தித்து இருக்க வேண்டும். அதுபோல இந்தியா கூட்டணியில், காங்கிரஸ் 99 இடங்களில் வெற்றி பெற்றது. மொத்தமாக 234 இடங்களில் வெற்றி வாகை சூடியது. தமிழ் நாட்டில் திமுக கூட்டணி 39 இடங்களிலும் வெற்றி பெற்றது. 

பாராளுமன்ற தேர்தலில் தமிழ் நாடு முடிவுகள் பின் வருமாறு:

பாராளுமன்ற தேர்தலில் தமிழ் நாட்டில் ஒவ்வொரு கூட்டணியும் பெற்ற மொத்த வாக்குகளும் அதன் சதவீதமும். 

தமிழ் நாட்டில் அனைவரும் எதிர்பார்த்த மாதிரி திமுக கூட்டணி அனைத்து தொகுதியிலும் (39) வெற்றி பெற்றது. ஆனால் பாஜக கூட்டணி எதிர்பாராத விதமாக 18 சதவீதம் வாக்குகளை பெற்று தமிழ் நாட்டு மக்களுக்கு அதிர்ச்சியை கொடுத்துள்ளது. அதுபோல நாம் தமிழர் கட்சி 12 சதவீதம் வாக்குகளை பெரும் என்று எதிர் பார்த்து இருந்த மக்களுக்கு 8.15 சதவீதம் வாக்குகளை மட்டுமே பெற்று பதிவு செய்யப்பட்ட கட்சியாக சாதனை படைத்துள்ளது. நாம் தமிழர் கட்சி எப்பவும் போல இந்த பாராளுமன்ற தேர்தலிலும் 20 ஆண்  வேட்பாளர்கள், 20 பெண் வேட்பாளர்கள் என்று களம் இறக்கியது (புதுச்சேரி உட்பட). அதில் 6 பெண் வேட்பாளர்கள் 1 இலட்சம் வாக்குகளுக்கு மேல் பெற்றுள்ளார்கள். குறிப்பாக கிருஷ்ணகிரி (வித்யா ராணி வீரப்பன்), பெரம்பலூர் (தேன்மொழி), மயிலாடுதுறை (காளியம்மாள்), நாகப்பட்டினம் (கார்த்திகா), சிவகங்கை (எழிலரசி) மற்றும் தூத்துக்குடி (ரொவீனா ரூத் ஜானே). இவர்களின் வெற்றி மூலம் நான் தமிழர் கட்சியை இந்திய கட்சிகள் உற்று நோக்க ஆரம்பித்துள்ளன.

நன்றி: ECI; விக்கிபீடியா; ஹிந்து 

Tamil Nadu B Pharmacy Colleges

Tamil Nadu B Pharmacy Colleges (The TN Dr MGR Medical University affiliated & Deemed to be Universities) - Classified by Districts.

There are 38 districts in Tamil Nadu according to the today date (09-05-2023)

References

Tamil Nadu Deemed Universities 

https://www.ugc.gov.in/deemeduniversitylist.aspx?id=ELvvTRQMzalJ3/R/MmUcsQ==&Unitype=Jc2qxh2PCqffjt5wPbleBA==

Tamil Nadu B Pharmacy Colleges 

https://www.tnmgrmu.ac.in/index.php/affiliated-colleges-institutions/affiliated-institutions-b-pharm.html

நேஹா பாடல்கள் (சூப்பர் சிங்கர் ஜூனியர் 8)

சூப்பர் சிங்கர் ஜூனியர் 8 சீசன் டிசம்பர் 18, 2021 ல் ஆரம்பித்து ஜூன் 26, 2022 ல் முடிவடைந்தது. இதுவரை நடந்த 8 சீசனில் இந்த சீசன் போட்டியாளர்கள் மிகவும் திறமைசாலிகள். முக்கியமாக நேஹா, கிரிசாங், ட்ரினிட்டா மற்றும் ரிஹானா ஆகிய நான்கு பெரும் தொழில்முறை பாடகர்கள் போல் பாடினார்கள். இதனால் இந்த 8 வது சீசனின் தரம் மிக உயர்வாக இருந்தது.  நடுவர்களின் கருத்துகள் ஒவ்வொரு முறையும் பாடும் இந்த 4 குழந்தைகளை பார்த்து நீங்கள் இப்போதே ஸ்டுடியோவில் போய் பாடல் பதிவு பண்ணலாம் என்றும் மேலும் உலகநாடுகளில் இசை கச்சேரி பண்ணலாம் என்றும் புகழ்ந்தார்கள். இந்த நான்கு பேர் தான் அதிகமுறை பொன்னான குரலுக்கு சொந்தக்காரர் மற்றும் சிறந்த பாடகர் போன்ற பட்டத்தை ஒவ்வொரு வாரமும் பெற்றார்கள்.

இவர்களில் நேஹா பாடிய பாடல்கள் அவ்வளவு இனிமையாக இருந்தது. இவர் வருங்காலத்தில் ஷ்ரேயா கோஷல் மாதிரி மிக புகழ்பெறுவார் என்று நடுவர்களே பலமுறை சொல்லியிருக்கிறார்கள். நேஹா நல்ல ஆரோக்கியத்தையும், ஆயுளையும் பெற்று மிகப்பெரிய புகழ் பெற வேண்டும். 

நேஹா இந்த போட்டியில் பாடிய பாடல்கள் தொகுக்கப்பட்டு அட்டவணையாக கொடுக்கப்பட்டுள்ளது.

பொன்னான குரல் - Golden Voice of the week 

சிறந்த பாடகர் - Best Performer 

சிறப்பு மகிழ்விப்பாளர் - Best Entertainer 

சில்லென்ற தீப்பொறி ஒன்று (தித்திக்குதே)

உதயா உதயா உளறுகிறேன் (உதயா)

பாடறியேன் படிப்பறியேன் (சிந்து பைரவி)

நன்றி: விஜய் டிவி; HULU 

சூப்பர் சிங்கர் ஜூனியர் 8

விஜய் டிவியில் ஒளிபரப்பப்படும் சூப்பர் சிங்கர் நிகழ்ச்சி மிகவும் பிரபலம். 2021-22 ஆம் ஆண்டு சூப்பர் சிங்கர் ஜூனியர் 8 போட்டிக்கு தமிழ்நாடு, இந்தியா மற்றும் உலக நாடுகளில் வசிக்கும் 8 முதல் 14 வயதிற்குட்பட்டவர்கள் போட்டியில் கலந்து கொண்டார்கள். அவர்களில் இருந்து 20 பேர் தேர்ந்தெடுக்கப்பட்டு சூப்பர் சிங்கர் ஜூனியர் 8 போட்டியில் பங்கு பெற்றார்கள். இந்த நிகழ்ச்சிக்கு திரு சங்கர் மஹாதேவன், திருமதி கல்பனா ஒரு அணிக்கு தலைவர்களாகவும் (டான் தாதா அணி), மற்றொரு அணிக்கு திருமதி சித்ரா, திரு சரண் தலைவர்களாகவும் (ரௌடி பேபி அணி) இருந்தார்கள். இந்த நிகழ்ச்சியை திரு மா கா பா ஆனந்த், திருமதி பிரியங்கா தொகுத்து வழங்கினார்கள் (திருமதி மைனா முதல் 8 வாரங்களுக்கு மா கா பா ஆனந்துடன் தொகுத்து வழங்கினார்).

இந்த இரண்டு அணிகளும் குழந்தைகளை தங்கள் அணிக்கு தேர்ந்தெடுத்த நிகழ்வு மிகவும் சுவாசியமாக இருந்தது. சிறந்த முறையில் பாடும் குழந்தைகளை தங்கள் அணிக்கு  கொண்டு வருவதற்கு பள்ளியில் மணி அடிப்பது போல் முதலில் சென்று யார் மணியை அடிக்கிறார்களோ அந்த அணிக்கு தேர்வானார்கள். இந்த முறையில் தேர்ந்தெடுக்க ஒவ்வொரு அணிக்கும் நான்கு சந்தர்ப்பங்கள் மட்டுமே வழங்கப்பட்டது. மீதமிருக்கும் போட்டியாளர்கள் அவரவர் விருப்படி எதாவது ஒரு அணியில் சேர்ந்து கொண்டார்கள். இவ்வாறாக அணிக்கு 10 போட்டியாளர்கள் வீதம் பிரிந்து, அணிக்கு ஒருத்தொருத்தர் நேருக்கு நேராக பாடல் பாடி மோதிக் கொண்டார்கள். போட்டியாளர்களில் தீபன் நாட்டுப்புறப் பாடல்களை மட்டுமே பாடினார். இவர் சினிமா பாடலை பாடாதவர். மோசஸ் மிகச்சிறந்த புல்லாங்குழல் வித்துவான். சினிமா பாடல்களையும் சிறப்பாக பாடுவார். போட்டியாளர்களிலே ஆத்யா தான் வயதில் மிகக்குறைந்தவர். 6 வயதுதான் ஆகிறது, ஆனால் அனைவருக்கும் கடினமான போட்டியை கொடுத்தார்.

இந்த போட்டியில் சுவாரஸ்யமாக பல விதமான சுற்றுகளை போட்டியாளர்கள் எதிர்கொண்டார்கள். நாட்டுப்புறப்பாடல்கள், தெய்வீகப்பாடல்கள், நடன சுற்று பாடல்கள், நடிகர்கள் விஜய், அஜீத், ரஜினி, கமல் படப்பாடல்கள், பிடித்தமானவர்களுக்கு சமர்ப்பிக்கும் பாடல்கள், A R ரகுமான் பாடல்கள், இளையராஜா பாடல்கள் என்று வித விதமான சுற்றுகள். மேலும் பண்டிகை காலங்களில் மிகவும் சிறப்பான பாடல் நிகழ்ச்சிகள் கண்கொள்ளாக்காட்சியாக இருந்தது. அனைத்திற்கும் மேலாக கமல்ஹாசன் அவர்களின் விக்ரம் படத்தின் விளம்பர நிகழ்ச்சியும், A R ரகுமான் அவர்களின் மூப்பில்லா மொழி தமிழ் பாடல் அறிமுக நிகழ்ச்சியும் மறக்க முடியாதது. 

போட்டியாளர்கள் 20 பேரிலிருந்து ஒவ்வொரு வாரமும் போட்டியாளர்களில் குறைந்த மதிப்பெண் பெறுபவர்கள் ஒவ்வொரு அணியிலிருந்தும் நியமனம் செய்யப்பட்டு மக்கள் முன் நிறுத்தப்படுவார்கள். அந்த இரண்டு பேருக்கும் மக்களிடம் உங்களுக்கு பிடித்த போட்டியாளருக்கு ஓட்டு போடுங்கள் என்று கேட்கப்படும். அதில் யார் அதிக ஓட்டுகள் வாங்குகிறார்களோ அவர்கள் அடுத்த சுற்றுக்கு போவார்கள். மற்றவர் போட்டியில் இருந்து வெளியேறிவிடுவார். இவ்வாறாக 20 பேரிலிருந்து முதல் 10 பேர் தேர்ந்தெடுக்கப்பட்டனர். அந்த சுற்று மாபெரும் நிகழ்வாக நடத்தப்பட்டது. 

இந்த 10 பேரிலிருந்து 7 பேர் அடுத்த கட்டத்திற்கு தேர்வானார்கள். இந்த தடவை  புதிதாக ஒரு முறை அறிமுகப்படுத்தப்பட்டது. மிகவும் நன்றாக பாடக்கூடியவர்கள் ஏதோ ஒரு பிழையினால் வெளியேற்றப்பட்டவர்கள் மீண்டும் அழைத்து (8 பேர்) பாடுவதற்கு வாய்ப்பு தரப்பட்டது (Wild Card Contestants). அதிலிருந்து ஒரே ஒருவர் தேர்ந்தெடுக்கப்பட்டு அடுத்த கட்டத்திற்கு போனார். அவ்வாறு தேர்தெடுக்கப்பட்டவர் அபுதாபியில் இருந்து கலந்து கொண்ட அபினா ஆவார். 

ஏற்கனவே தேர்வாகியிருந்த 7 பேர் மற்றும் சிறப்பு வாய்ப்பில் தேர்வான ஒருவர் என மொத்தம் 8 பேர் அடுத்த சுற்றுக்கு தயாரானார்கள். இவர்களில் இருந்து ஒருவர் நேரடியாக இறுதி சுற்றுக்கு தேர்வானார். அந்த வெற்றி பெற்ற நபர் ட்ரினிடா, பெங்களூரில் இருந்து வந்தவர். மீதமுள்ள 7 பேரில் 5 பேர் அரையிறுதி சுற்றுக்கு தேர்வானார்கள். 5 பேரில் இருந்து 4 பேர் இறுதிசுற்றுக்கு தேர்வாகி, ஆக மொத்தம் 5 பேர் மிகவும் எதிர்பார்க்கப்பட்ட மாபெரும் இறுதி சுற்றுக்கு தேர்வானார்கள். 

ஜூன் 26 ஆம் தேதி மக்கள் முன்னிலையில் (உள்ளரங்கில்) மாபெரும் இறுதி போட்டி நடைபெற்றது. அந்த போட்டியில் நடுவர்களின் மதிப்பெண் மற்றும் மக்களின் ஓட்டுகள் எண்ணிக்கை அடிப்படையில் பட்டத்தை வெல்பவர் தேர்ந்தெடுக்கப்பட்டார். இந்த போட்டியில் கிரிஷாங் சூப்பர் சிங்கர் ஜூனியர் 8 பட்டத்தை வென்று 60 லட்சம் மதிப்புள்ள வீட்டையும் பெற்றார். இரண்டாவதாக ரிஹானாவும், மூன்றாவதாக நேஹாவும் வெற்றிபெற்றார்கள். ட்ரினிடா மற்றும் அபினா முறையே 4 மற்றும் 5 வது இடத்தை பிடித்தார்கள். 

இறுதிச்சுற்றில் கிரிஷாங் மற்றும் நேஹா இருவருக்கும் தான் கடினமான போட்டி இருந்தது. நடுவர்கள் மட்டும் தேர்ந்தெடுத்து இருந்தால் நேஹா இரண்டாவது இடத்தை பிடித்திருப்பார். இவர்தான் இந்த வருடம் நடந்த  போட்டிகளில் அதிகமுறை சிறந்த குரலுக்கான பரிசை வென்றவர். மக்கள் ஓட்டு எண்ணிக்கையில் ரிஹானா இரண்டாவது இடத்தை பிடித்து விட்டார். இவர் பார்வையாளர்களை தன் பாடலில், நடன அசைவில், கவர்ச்சி குரலில் அனைவரையும் மெய்மறக்க செய்து மகிழ்ச்சி கடலில் ஆழ்த்துபவர், மிகச்சிறந்த  திறமைசாலி.

வெற்றி பெற்ற அனைவருக்கும் வாழ்த்துகள்!

நன்றி: விஜய் டிவி